September 15, 2023; Nikum khan Mizoramah ruihhlo vanga thi mi 43 an awm a, chumi aia tam daih chu kuminah ruihhlo thihpui an awm tawh.

Excise & Narcotics department chhinchhiah danin kumin (September ni 14 thleng) chhungin Mizoram-ah ruihhlo vangin mi 52 an thi tawh a, chung te chu mipa 42 leh hmeichhia 10 niin, heroin No. 4 hmangsual an ni.

Hetihlai hian nikum kumtluan khan Mizoramah ruihhlo vanga thi mi 43, mipa 39 leh hmeichhia 4 an awm a, kuminah ruihhlo vanga thi hmeichhia an pung.

Excise department chuan kum 1984 atang khan ruihhlo hmansual vanga thi hi chhinchhiahin tun thlengin mi 1788 an thi tawh a, damdawi hmansual avanga thi te zingah hian proxyvon vanga thi mi 1161 awmin, heroin vanga thi 233 an awm bawk a ni.