Russia-in engtik hunah pawh Ukraine a rûn thei reng : US
Russia chuan Ukraine chu ‘eng hunah pawh a rûn thei’ niin United States chuan a sawi a. An mite chu rang taka he ram chhuahsan thuai turin a ti.
White House chuan Russia hi thlawhna hmangin a che tan thei niin a sawi a, chuti a nih chuan chhuah a harsa tawh dawn a, civil mite tan pawh a hlauhawm dawn niin Zirtawpni khan a sawi.
Moscow erawh chuan Ukraine rûn tumna a neih loh thu a la sawi reng a, heti chung hian ramri bulah sipai 1,00,000 chuang a chhawp.
US thuchhuah avang hian khawvel ram hrang hrangte chuan Ukraine-a an mite awm mek hnenah warning an pek thar phah.
State Department-in thuchhuah a siamah chuan Kyiv-a US Embassy-a thawkte pawh awm ngei ngei ngai tih lote chu an la chhuak tawh tih tar lan a ni a. Pathianni a\ang hian indawrna (consular service) chu an titawp rih dawn tih sawiin, US chuan a te tham zawngin indawrna hi a kalpui rih dawn tih a sawi.
Ukraine-a UK palai, Melinda Simmons erawh chuan a team tlem nen Kyiv-ah an la awm thu a sawi thung.
Hetih lai hian Russia pawhin Ukraine-a an ram palai hna thawktute pawh an titlem tih sawiin, foreign ministry thupuangtu chuan Kyiv emaw, mi dang emaw pawhin an khawih an hlau niin a sawi.
Russia leh Ukraine ram inkara boruak tang tak hmeh daih tuma beihna a la kal reng bawk a. Inrinni zan khan US President Joe Biden leh France President Emmanuel Macron chuan phone-in Russia President Vladimir Putin an bia.
Moscow erawh chuan khawthlang ramte chuan boruak an tisosang mai mai niin a sawi.
Latest News & Chhiar Hlawh
-
2m | Apr 25, 2024
-
2m | Apr 25, 2024
-
2m | Apr 25, 2024
-
1m | Apr 25, 2024
-
2m | Apr 25, 2024
-
2m | Apr 25, 2024
-
1m | Apr 25, 2024
-
1m | Apr 25, 2024
-
1m | Apr 25, 2024
-
1m | Apr 25, 2024
-
2m | Apr 25, 2024
-
1m | Apr 25, 2024
-
1m | Apr 25, 2024
-
1m | Apr 25, 2024
-
2m | Apr 24, 2024
-
2m | Apr 24, 2024
-
1m | Apr 24, 2024
-
2m | Apr 24, 2024
-
2m | Apr 24, 2024
-
1m | Apr 24, 2024