June 30, 2023; Excise department hotute chuan Rangvamual leh Phunchawng chhehvel ah Zu factory 400 bawr vel a awm tih an sawi a, Zu factory an tihchhiatin factory neitute thlawr zui theih turin an kalsan ngai lo tih an sawi.

Social medial ah excise duty te'n Rangvamual Zu factory ah surf an telh tih chungchang a darh a, chu chu Zu neitute chuan thlawr zuiin, loh theih lovin an hralh leh thin nia tarlan a ni.

Hemi chungchangah hian Excise department hotute chuan factory a Zu tihchhiatna atan khawnvartui, diesel te leh surf te an hmang thin tih an sawi a, chungte an pawlh hnu chuan factory a Zu te chu thlawr zui theih a nih tawh ngai loh bakah, an tihchhiat nghal vek thin thu te an sawi. "Lei laihkhuar a nih chuan leiin kan chhilh vek thin," an ti.

Excise department hotute chuan RV leh Phunchawng chhehvel ah Zu factory 400 bawr vel zet a awm tih an sawi a, an check thin ah ni khat ah factory 20 bawr vel bak an check hman meuh ngai loh thute an sawi bawk.