ZALEN September 10, 2023 : Rangvamual leh Phunchawng chhehvela zu (rakzu) siam chhuahte chu sawrkar atanga phalna nei lo (dan lo) a siam, sawrkar hriatpui loh a nih avangin a him tawk leh tawk loh hriat a ni lo.

ZALEN RTI zawhna Excise & Narcotics, Aizawl District SPIO-in a chhan danin, Rangvamual leh Phunchawng chhehvela zu (rakzu) siam chhuahte chu sawrkar hriatpui loh a nih avangin eng ang chiaha him lo nge tih pawh hriat a ni lo va. Sawrkar atanga phalna nei lo (dan lo)-a siam a nih avangin a siam dan pawh hriat a ni lo.  

Rangvamual leh Phunchawng chhehvelah hian January, 2023  atanga July, 2023 chhungin rakzu litre 34,437.42 man a ni a, zu zuar mi 271 man an ni bawk.

Rangvamual leh Phunchawnga zu tirem turin Excise & Narcotics Department chuan theihtawp chhuahin hma a la a, chung an hmalakna SPIO-in a tar lante chu - ramhnuaia dan loa zu siamna hmun zawng chhuakin tihchhiat thin a ni. Zu thlawr chhuahsa an thuhrukte zawng chhuakin tihchhiat thin a ni.

Zu zuar nia rinhlehte an in leh a chhehvel dap (check) thin a ni bawk a. Zu in tur leh zu lei tum nia rinhlelhte lo endik (check) thin an ni a. Zu leh a kaihhnawiha dan bawhchhiate man turin kawngpui dungah uluk takin duty thin a ni bawk.

Rangvamual-ah Excise & Narcotics Outpost siam niin chutah chuan officer pakhat, head constable pakhat, constable pali leh driver pakhat ni tin thawktu an duty thin.

END Outpost duty-te hnathawh:

Zu zuar nia rinhlehte an in leh a chhehvel an dap (check) thin.

Zu in tur leh zu lei tum nia rinhlelhte an lo check thin.

Zu leh a kaihhnawih a dan bawhchhiate man turin kawngpui dungah uluk takin an duty thin.

Ramhnuaia zu thlawrna hmun tihchhiat hna an thawk thin.