DOWNLOAD OUR APP

Read latest news on your phone
app-store

Sahuan ah Sakei 2 dah belh dawn; thla 9 chhungin mi 43,901 in sahuan an tlawh

Jan 23, 2023

Aizawl Zoological Park-ah Sakei (Bengal Royal Tiger) a nu leh a pa dah belh a ni dawn a, Nandankanan Zoological Park atanga lak tur niin, ruahmanna a kaltluan chuan thla thar February thla chhungin lak thlen theih beisei a ni. Hetihlai hian kum kal mek 2022-23, thla kua (April - December) chhungin Aizawl sahuan tlawhtu mi 43,901 an awm.

Aizawl; Aizawl Zoological Park-ah Sakei (Bengal Royal Tiger) a nu leh a pa dah belh a ni dawn a, Nandankanan Zoological Park atanga lak tur niin, ruahmanna a kaltluan chuan thla thar February thla chhungin lak thlen theih beisei a ni. Hetihlai hian kum kal mek 2022-23, thla kua (April - December) chhungin Aizawl sahuan tlawhtu mi 43,901 an awm.

ZALEN thudawn danin Nandankanan Zoological Park nen ramsa inthleng tawn (exchange programme) kaltlanga sakei nu leh a pa lak tur chungchangah Central Zoo Authority (CZA) atangin phalna hmuh fel a ni tawh a, sakei an lak turte chu kum ngaa upa ve ve an ni a, savawm leh hauhuk pek an ni ve thung ang.

Nikum February thla khan Guwahati Zoo atangin ramsa inthleng tawn kaltlang thoin, sakei (keipui) lak a lo ni tawh a, a nu leh a pa lak tum a nih laiin, a nu chauh lak a ni a, kum 15 vela upa a ni.

Sakei dah belh turte hi a awmsa nen dah ho theih an nih dawn loh avangin tuna sakei awmna chu a laiah phel (seperate) a ni a, a in thar  (feeding cubicle) leh a tul huna dah hranna tur (kraal) thar siam a ni bawk. Kraal leh seperation wall chu zawh fel ni tawhin, feeding cubicle thar sak pawh tunkar chho ah chuan zawh fel beisei a ni.

Hetihlai hian kum kal mek 2022-23 (April - December) thla khua chhungin Aizawl sahuan tlawhtu mi 43,901 an awm a, chung atanga sum hmuh chu Rs. 7,53,700 niin, sum hmuhna te hi visitors, motor parking atang leh camera/video te an ni.

Share now