Aizawl : Nimin khan Commerce & Industries Minister Dr R Lalthangliana chuan India leh Myanmar ramria insumdawn tawnna tur Saisihchhuah Border Haat a tlawh.

Commerce & Industries Minister Dr.R.Lal thangliana chuan, “Saisihchhuah Border Haat-a ram pahnihte insumdawn tawnna tura hmalakna kal mek hi economy-a Mizoram chawikang thei tur rahbi pawimawh la ni mai tur a ni a, Mipuite chhawr theih hun a nghahhlelh awm hle, hmachhawp awm mek inkalpawhna Lei dawh leh hmalakna tur la awmte chak zawka bawhzui a nih theih nan sawrkar laipui lam mai bakah Myanmar sawrkar hotute pawh a theih dan angin a rang lamin sawipui tum a ni,” a ti.

Health minister chuan Covid-19 hri leng mek chungchang sawiin, “Covid-19 hri leng do let kawngah Mizoram chu India state zinga titha ber kan ni a,state dangte nena khaikhinin Covid 19 vanga thi tlemna ber state kan ni bawk hi a lawmawm tak zet a. Hei hi Mizoram mipuite kan zavaia tan tlanna rah a ni a, kan phak tawk leh tlin tawkah mi mal, pawl, kohhran, sawrkar leh mipuiten lungrual tak leh theihtawp chhuaha kan beih tlanna leh theihtawpa Lalpa kan auhna hi Pathianin min chhang a ni,” a ti bawk.

Minister Dr. R.Lalthangliana hi ZR.Thiamsanga MLA, Vice Chairman Health & Family Welfare Board leh mi dangten an tawiawm a ni.