ZALEN July 19, 2024; Buarpui nu huaisen, India rama huaisen chawimawina 'Shaurya Chakra' pawh lo dawng tawh, Sakei chek hlumtu Zadingi (72) chu vawiin chhun dar 12:25 khan a boral.

Lunglei district chhung Buarpui khua-a khawsa Zadingi hian hun engemawchen atang khan cancer natna a vei a, rei tak a inenkawl hnuah a natna tuarloin a boral ta a ni. A ruang hi zaninah tlaivarpui a ni ang a, naktuk chhun dar 12 ah a chenna in Buarpui ah vui a ni ang.

Kum 27 mi chauh a nih lai, July 3, 1978 ah Hreipuiin sakei a chek hlum a, chawimawina tangkapui 'Shourya chakra' chu kum 1980 khan India President hnen atanga dawngin, he tangkapuiin a ken tel pawisa chu a tirah chuan Rs.40/- a la thin a, a hnuah Rs. 3,000/- ah a pung.

A Sakei chehhlum hi a vun lip in an tiro a, an kawl tha reng thin a, Forest department chuan dah that turin an lak sak a, Aizawl Museum-ah dah a ni.