Aizawl; Mizoramah tun February thla thleng hian ration card 2,79,531 awm mekin, hming (total units) 11,60,826 a chuang a, hetihlai hian sakhuana leh chhan dang vanga ration card nei lote tan tun February thla hian buhfai quintal 3,314.94 ruahman (special allotment) a ni.            

ZALEN-in Food, Civil Supplies & Consumer Affairs Department (FCS&CA) department chhinchhiah ziaka a dawn danin, Mizoramah Fair price shop (FPS) 1,245 awmin, chungte chu Electronic Point of Sale (ePoS)-a thlun zawm vek tawh a ni.

Ration card 2,79,531 awm mek zingah National Food Security Act (NFSA) hnuaia AAY (card eng)-ah card 25,751 awmin, chung card-a hming chuang zat chu 64,956 an tling. PHH (card hring/pawl)-a card 1,39,832-ah hming 6,01,092 chuangin, Non-NFSA (card var)-a ration card 1,13,948-a hming chuang zat chu 4,94,778 a tling.

FCS&CA chuan tun February thla hian sakhuana leh chhan dang vanga Aadhar nei lo emaw, Aadhar nena ration card thlun zawm loh avanga ration card atanga hming paih (delete) te tan buhfai qntl. 3314.94 a ruahman a, AAY hnuaia hming paih mi 3,484-te tan qntl. 205.10 ruahman niin, PHH hnuaia mi 22,962-te tan qntl. 1148.10 ruahman a ni bawk, Non-NFSA hnuaia mi 7,993-te tan qntl. 639.44 ruahman a ni a, PM-GKAY hnuaia AAY leh PHH beneficiary te tan qntl.1322.30 ruahman a ni.

Ration card atanga hming paih special allotment hnuaia quota hi manual (ePoS hmang lo)-a sem tur niin, retailer-te chu a latu hming leh lak zat felfai taka chhinchhiahin, thla tawp buhfai sem zawhah an DCSO hnena thehlut tura tih an ni.. 

Ration card dinhmun : MIZORAM
Dist.              Shop    Total card        Total units 
Aizawl          314        1,02,004        4,33,522
Champhai    194       32,034            1,41,220
Kolasib         75         22,565            89,508
Lawngtlai     104       19,931            78,321
Lunglei         235       46,591           1,83,975
Mamit         108         19,797           79,930
Saiha           115         17,649           73,876
Serchhip      100         18,960           80,474
TOTAL    1245    2,79,531        11,60,826