ZALEN July 21, 2025; Samthang kuthnathawktute thar Zikhlum chu hlep beisei loin Aizawl YMA branch thenkhatin an zawrh sak dawn.

ZALEN thudawnna in a sawi danin, kuthnathawktuten tihralna lama harsatna an tawh avangin a tihral dan turah Samthang branch YMA in ruahmanna an siam a, an hmalakna kal zelah Aizawl khawpui chhung YMA branch thenkhat; Bethlehem, Bethlehem Vengthlang, Mission Veng leh Luangmual branch YMA ten tunkar chho-ah hian hlep beisei loin an zawrh sak dawn a ni.

Thudawnna chuan tun dinhmunah Samthang Zikhlum te chu tihralna mumal a awm loh avangin a ṭawih chhe nasa hle tawh a, quintal 40 chuang ti ṭawih chhe tawh te pawh an awm.

Aizawla Zikhlum an thawnna tur atan hian an bialtu MLA Ramthanmawia'n lirthei hman man tur Rs. 50,000 a pe a, chung hmangte chuan tunkar chhoah hian an Zikhlum te Aizawlah an thawn dawn a ni.

#ZalenNews