September 23, 2023; Vawiin chawhma dar 10 vel khan Lalnunthianghlima (36) chu Rullam leh Khawbel inkarah Savawm no hruaiin a bei a, Aizawl panpui a ni.

Rullam khua atanga ZALEN thudawn danin, Rullam hnaih lam, Tuivawl hnar lam km 1 vel a hla, leilet kawng a a kal lai chu Savawm hian a lo bei a, hmun engemawzatah hliam a tuar a, vanneihthlak takin dinhmun ngaihtuahawm erawh a ni lo.

Amah hi Rullam khua niin, Khawbel ah a nupui fanau te nen inbengbel a ni a, Rullam atanga Khawbela a haw tur chu Savawm no hruai hian kawnglak ah lo beiin, a insa seng theih hnuah, Rullam lama a naute phone a bia in Khawchhunga awm ho a hria apiang te an tlanliam nghal a, a hmun an thlen chuan a sehtu Savawm pawh a lo in thiar fihlim hman tawh a ni.

Savawm ho no nei hlim nia hriat niin, kawng chhak lamah a no te an awm a, kawngthlang lamah a pui awmin,  Lalnunthianghlima kawng kal lai hi a lo bei thut nia thudawn a ni.

Thlalak : File picture