Zalen Chanchinbu ka lo chhiar thin a, Zalen vul zel rawh se. - Rsa, Chawnpui AMC-in Building TaX a lak rual rualin in luah man a to nghal ang a, a tuartu turte chu mi retheite bawk kan ni leh ang. - Suaka, Azl. Sorkarin a thlawna mipui thawhkhawm THISEN man a la leh dawn ta. An car man to rulh nan kan thisen lehzel min hralhsak duhtute hian ram an tichhe zo vek dawn. Kan neihsa zawng zawnga min chhiah bakah hian chenna in leh leilung te kan thisen thlenga min ei ral duh ta mai hi thinlunga kan la man phan phak bak a ni ta e, Mizo mipui kan va beidawng ta ve. Curren kan hmuh that loh laia an zawmpui vai company Ispat Steel Industry hnena current megawatt 3 an pe leh tlatte hian Mizoramah Mizo min tihchepzia te hi a manganthlakin tah a tichhuak. - 8014442428 Kulikawn atanga CP Road pawhtu kawng, (CMO (W), Kulikawn damdawi in, school complex leh Kulikawn leh Tlangnuam tlak lam kalpawhna kawng leh chhim lamin playground kan neih that chhun Tlangnuam field panna kawng chep tak chu bialtu Councillor Pu Ramhlunsanga hovin, Local Council leh YMA Kulikawn ten an lai zau mek a, a va lawmawm em! Kawng zauhna tura ram petute hnenah lawm thu kan sawi mawlh mawlh e. Bus service theih nan Tlangnuam khawtlang hruaitute pawh hian an huam chhung kawng zim lai hi zauh ve thei se a va lawmawm lehzual dawn em! Theihnghilh theih tawh loh tur ram rohlu siam tur hian han pen chhuak hram teh u. Helai kawng pawimawh tak mai hi local level mai ni lovin state sorkar emaw, AMC level emaw tal hian kawng zauh hna hi han thawk hram teh u. - Hlutei Pa, Kulikawn Synod hian zu chungchangah tlawmngai pawl hrang hrangte sawmin kawngzawh huaihawt a tum a nih hmel a, hetianga a do tak taka a duh lo tak zet a nih chuan ama huang chhungah Kohhran Upa leh rawngbawltu zu in thinte hi Kohhranin DAN a neih ang hian THUNUN ngam sela, an sermon leh Sunday School-a an mi zirtirte hian kan ei lo teh a nia... - No. thup Tunlai chu Zu in thin aiin zu in lovin thawm an nei lian zawk leh ta maw! Synod kan tih maite hi eng nge maw an niha an lo phul hlut thin mai le? Mizorama Kohhran pakhat an ni ve mai a nih hi, kan ram hmasawnna tura ei ruk nasatzia vei lova zu an vei zawk tlat mai hi a ram hlui zia tawh lutuk. Hlep ruk aia zu vanga tawngtai rual an rawt hi ka thlawp lo ve. Sorkar thu awihin sorkar atanga pawisa, mite thawhlawma intungnung an nih hi lo hre mawlh teh se! Sorkar tel lovin Synod hian a budget hi a hmu tlem ngawt ang. Ka thu khar nan, kan ram hi Synod enkawlna ni lovin, sorkar enkawla inytung kan ni e. - Matea pu Thalai Kristian Pawl?kan tih chuan Kristian Naupang Pawl hi Naupang Kristian Pawl tih ve leh mai awm! - 9856835945 Rilrua awm leh vei zawngte sawi theia kan la dam ngawt pawh hi malsawmna nasa tak kan dawnte a lo ni reng mai. Thahnemngaih luat vanga sawiah min lo ngaihsak mai dawn nia. Mi tin mai hian he hun kan chhiar dan darkar 24 hi kan nei theuh va, aia tlem emaw, aia tam emaw zawk nei kan awm lo tih chu tlang hriat a ni. Ka sawi duh lai tak chu Pathian biak inkhawm thin, darkar khat emaw lek hi rei kan tiin kan ning hman dawn dawn anga lang hi ka lo vei ve em em a, ringtu kan ni kan inti ve si a nih chuan Pathian thusawi ngaihthlak te, inkhawm te kan peih em em tur hi a ni zawk a. Phur tak leh hlim leh lawm takin Pathian kan fak tlang ang a, Pathian kan fakna turah hian tlai mah var ila kan ning chuang lo'ng nge kan ti ve zawk dawn nia. - 8415052704 Mizo mipuite hian NLUP dawn duh vangin Congress hneh takin term hnih kan sorkartir mek a. An sum sem kan hmuh theih dawn phawt chuan an tihdan apiang kan sawisel ngam lo niin a lang a. Mipuiin sum hmuh kan duh hre rengin sorkar a huangtau ta hle a nih hi. Kohhran leh mipui rawn lovin zu zawrh an tum thu ualau taka an sawi tawh chu an thup leh a. India ram pum hman tur Food Security chu Mizorama hman chi ni lovin an sawi a, gas harsatna chu company leh sumdawngte inkara chin fel tur tiin mipui chu kut min silsan a. Selam khuaa nunaute ral beihin an bei a, central-a hotute tlak rualin a chhe thei ang berin an sawisel zui a. Sum harsat thu an sawi nasat tehlul nen, anmahni nawmchen nana hman atan sum awm thei ang apiang hman an ui leh si lo. Hetiang taka an chet vel ngam chhan hi Mizo mipuiin an lakah sum kan beisei avangin kan thlang lal tlat alawm. Kum nga chhung atana kan thlan lal Pu Hawla ho hi an tha emaw, tha lo emaw hrawn hrim hrim turah i ngai nghet tlat ang u. Pu Hawla sorkar hi Mizote min hrem tur emawa Pathian ruat an ni mai thei asin. - Omoma pu Ka ti leh pek thin ang.. engati nge Kohhrana inhmang, intirau tak tak leh inti-Pathian thuawih fu fuho hi office chhuahsan hrat hrat, mahni hmasial si, office hnaa inthlahdah bawk si an nih zel thin le? Hengte avang hian Kohhrana inhman a tihlu lo a, sakhaw mi nih a zahthlak thin. Chuvangin kan Pathian hi he khawvelah hian kan khengbet nawn fo thin tih i hria ang u. - M2 Officer rual, Upa leh rawngbawltu intite u, sorkar kum tawpah hre reng chunga in insiamchawp 'EI RUK RUNPUI' ruai in theh mup mup mai chu a nia maw!! Pathian mitmei in veng buai peih lo a nih pawhin in mihringpuite leh khaw eng tal hi ZAH nachang hre rawh u. Sunday a lo thleng a, AWIH THA ber emaw kha in inti lehnghal ang a, ZU in mite ni lovin nangni hi a ni Pathian mithmuha kan ram tibawlhhlawhtu chu!! - 9862588520

Lalpa chu mi vengtu a ni a, ka tlachham lo vang. Ani chuan hlobet hringdup hmunahte mi bawhtir thin a; chawlhna tui kamahte mi hruai thin. Ka nunna hi mi siam that thin a, Ama hming avangin felna kawngahte mi hruai thin. Lalpa ringtute tan hian manganna tur a awm lo va, Zu chhiah tih vel mai mai buaipuia lo kur tehchiam a tul lem lo. Tin, kan nun a tibuai ve ngai bawk hek lo vang. Sual a ni a, a tha lo a ni tih kan hriatna, thahnemngaih vanga zu chungchang hi sawi ve ka ni. Krista tana mi huaisen, amahah Krista hmel lang em emina hla a phuah, 'I din thar leh ang u' tih hian kan nun min kaihruai mawlh rawh se. - 9402520257 SAWHKHAWK of the day Kan ram sum leh pai dinhmunin a tlin hrih loh avangin department hrang hrangah post ruak hnawh khat a nih theih loh thu ram hruaitute hnen atanga kan hriat fo laia ramin a mamawh em em nia kan hriat loh, MLA-ten motor an indaih lo tia motor thar eng emaw zat an lei leh thei si hi eng nge maw a awmzia le? An hamthatna tura sum ngah, hamthatna an dawn tur awm lohnaa sum nei lo an ang. - Scholes L.S.Khawlhring