Zalen Thalai huang-ah hian sap filmstar chanchin, a tam zawkte phei chu Mizoten kan hriat lar em em pawh ni lo chanchin hi in ziak tam mah mah lo maw? - Awma pa Dr. Hrekima hi damdawi lam chauh emaw hre kim ka lo ti a, a lo ni hauh lo, thu leh hla lam pawh a hriat kim vek avang hian a chungah lawm thu ka sawi tak meuh a ni. Zalen chhiar a tihnawm phah tak zet zet e. - Sawma, OmOma Pa, Bethlehem Veng Sawhkhawka kan thu rawn thawnte i rawn chhuah thin a, lawm thu ka rawn sawi e. Amaherawhchu, sorkar finchhuahna lam tur nia ka hriat kan rawn thawn vete i rawn chhuah ngai lo erawh rawn chhuah thei hram tawh la kan va duh em! Entir nan; Tuna sorkar thar a lo pian hnu hian ration buhfai hi thla khatah vawi hnih, thla hnihah vawi li tur ni awm tak, vawi thum chauh sem a ni ta te hi. - 9862838074 Kan Sorkarin mipui sawisel luai luai chunga car thar rual a lei te, NLUP?a sem huau huau te hi mi thawh chhuah sa pawisate K deposit-a dah luihsak char char mek chunga tih a nih avang hian a va rapthlak thuah hnih ve le! Loan nena thawk hram hrama a pung rulh ngaite pawh an ni ve a, K deposit lah hian a pung a nei ve der si lo. A thena ni sa, a thena ruah sur ram kan ni a, K deposit hi kum thar lama hmasawnna tur sum hrekna pawh a nih nasat hi le! - L.S. Media kaltlanga Zu chungchang ziaktu leh sawitu tam berte zingah zu khap burna dan hliha khuahkhirhna hnuaia zu zawrh thlawptu an tam zawk a, hetiang ngaihdan neitu tam berte hi zu in duh an ni deuh zel bawk. Kei chuan khuahkhirhna hnuaiah pawh ni se zu zawrh/zu in ai chuan in loh tha ka ti zawk a, zu thlah zalen hi a in duhten awlsam taka an ina an lei theihna kawng hawn zauna, ram leh khawtlang nun tlakchhiat lehzualna thlentu, sum tam tak hmuh belh atanga Setana duhzawng tihhlawlhtinna hmanruaah ka ngai. Pathian ringtute leh Kohhrana rawngbawlna chanvo chelhtute chuan zu sawi mawina lam thu an chhak chhuak turah ka ngai lo. Zu zuar leh zu inte chungah Kohhranin thununna a lek lo hi Kohhran sawi chhiat nan mi thenkhatin an hmang a, zua inhnamhnawihte chungah hian Kohhran chuan an thiltih sima Kohhrana an kir leh theih beiseiin a nghak a, an thilpek leh an member nihna hmangin a thlunzawm tlat a. An tan camping leh crusade te siamin a umzui thin. Kohhran dawhtheihna leh nghah peihna chuan mi tam tak a kokir a, ruihtheihthil ti thin bansantute zingah Kohhran Upa leh rawngbawltu tha tak takte pawh an awm mek a. Kohhran member zu zuar leh inte chunga action la nghal zel tura duha uar taka autute duh ang hianchhungkaw pa ber emaw, sum la luttu ber emaw te, zu an in avangin Kohhranin phuar sela, Pathian ram ipa an thawhlawm thawh pawh pawmsak loh ni bawk sela, tuna chhungkaw pangngai tam takte hian an chhiat phah ang a, zu intu tan phei chuan Kohhran hnaih a harsa tawh ngawt ang. Zu in leh zuarte hi Kohhranin rawngbawltuah dah lo mah se, an sim beiseiin dawhthei takin a nghal a, member an nihna leh an thilpekte hi Kohhranin anmahni a thlunzawmna hmanrua a ni. Hei hi tisa leh thlarau lam rawngbawlna pawimawh tak a ni a, ruihtheihthila chak lote a hlutzia leh thatzia hriat thar leh hi a tul hlein ka hria. - Vanlalchhuanga, Venghnuai Presbyterian Kohhranin Zu thlah zalen an duh lohzia lantir nana poster an tarah khan zu chhiah avanga hausak ai chuan zu chhiah tel lova retheih an thlan zawk thu an tilang a, hetiang deuh bawk hian Kohhranho hian ei ruk chingte leh zu leh ruihhlo zuarte thawhlawm nena hausak ai chuan dik taka thawh khawm chu tlem mah se retheih kan thlang zawk ti ngam ve se an hmalakna hi ka thlawp ang; an ngam chuan loh erawh chuan mi kuta rul kaw zen tum an ang dawnin ka hre ve tlat kei val lungmawl hian. - Scholes Ls.Khawlhring He kan Zoram,?Pathianin a khawngaihna avanga kan pi leh pute kaltlanga lu chhum, ban chhum pawh huama an lo sah en sa heti tak maia ram inrelbawlna leh ramri vela kan buai ta em em mai hi engvang nge ni ta ang le? Ram hruaitu tha kan neih vang a ni ang em? Ni hauh lo vang le! Chhim lamah Chakma, thlang lamah Tuikuk, hmar lamah vaihoten min tibuai em em reng a. Chhak lam atangin ruihhlo hlauhawm ber maiin min rawn run bawk a. Hei, tunah kan inchhungkhur ngei maiah zu tha miin min han luhchilh leh dawn chu a nih hmel a, kan va han tuar nasa dawn tak em! Ka hmangaih Zoram tan hi chuan khua zawng a la var dawn lo deuh zawng a nih hi! - Jonathana Pu Engpawh mai hi zira thiam theih a ni a. Nungcha humhalh te, puipunna hmuna mei zuk that lohzia te kan inzirtir nasa em em mai a. Kum 20 te a’n vei meuh chuan a hlawhtlinna kan hmu chho ta zel mai. Zu pawh hi in loh a tha ber, in pawhin rui khawpa in a that lohzia hi nasa zawkin inzirtir thar ila, kum 20 a vei meuh chuan kan hlawhtling em em ang, nghah peih erawh a ngai. Khaw eng hmu turin thim chhah paltlang a ngai. - Matea pu Z, u, Zu chungchang hi ka’n sawi veleh teh ang. Kohhranin zu a duh loh chhan pakhat chu thlarau nun a tihbuai hi chu thuhran ni se, kan khawtlang nunah zu in leh zu rui an chep hian khawtlang a tiralmuang hle a. Hei hi a thlakhlelhawm em avangin zu khapna dan hi hlawhtling vak lo mah se mi nawlpui leh Kohhran hian hei hi an thlahlel hle niin a lang. - Moia dt. missing Kan Assembly thu pass chu a lawmna kawng zawh a va chakawm ve, nih anga lan ngam hi a hlu. - 9401339291 Kan synod thil tihsual lian ber chu poster tar kha a ni. Political party-te tar awm tak a nih laia lo phet ve sek a tul lo hle. Kohhran pawl lian nih vanga sorkar thiltiha lo inrawlh ve sek hi a tih tur a ni lo. Hindu leh Muslim-ho an inrawlh loh ang bawkin ngawi tur an ni zawk. Baptist unaute pawhin an duh a ni bik lo, Kohhran dangte chu an over lo. Kristian ni ve lo deuhthawah kan MLA-te an dah a ni ber e. Shillong-ah te inkhawm innghat fo, in buai kan hre lo, phaiah zui tamnaah in fate in dah ngam a ni lo’m ni? Baptist-ah pem dual palh ang e. - Putara, Msv SAWHKHAWK of the day Zu khap burna Dan tihdanglam chungchang-ah sorkarin tha a tih lam hawia a kal ngam hi a va lawmawm ve, ram hruaitu rorel dan tur a ni. Mahni duh dan/tha nia hriat zawnga rorel ngam kan nei ta hi hmasawnna tha tak a ni. Tute emaw hmaizah vanga tha tura rin pawh ti ngam lo thin nih ai chuan roreltu tha zia a ni e. Hetiang hian engineer dik lo an awm chuan han hrem ngam pehi se chu Pu Hawla chu a va fakawm dawn em! Han thlir zel phawt teh ang! - 9862372482