SAWHKHAWK of the day
Zu hi Mizote hian kan ngai thutak lutuk deuhvin ka hria, in mai ila, pangngai takin a awm theih thovin ka hria kei chuan. Hetia kan phalrai a nih rau rau chuan buhzu thlawr, yeast pawlh loh, dawidim chauh pawlh hi tizalen tel ta ila, labarotory-te kan nei tha a, exam thin ni sela. Tun ang hian tax pawh la ve se, a rui buai leh buaina siam chu tuna dan zam ang tho hian kalpui ni ta sela. A senchi in pha lo kan tam si a, ngaihtuahna lo seng ve teh u, keima thahnemngaihna a ni e. A famkim lo khawp mai a, ngaihdan in nei ve mial em? - Sangtea

19 yrs girl, Lungsum, i thil rawn thawn hi a va tha thei tak em! - 9615492198

Zalen Chanchinbua Pu Chhuanliana huang hi a that theih tehreng nen, chhut sual a tam thei deuh chu a ni. Fimkhur teh u. - 9862355182

Zalen hi kum 7 vel ka lo la ve tawh a, tunlai chu ka duhte pahnih, Doctor ve ve hi a ziak a sinin a fiah lo, chhiar a har ka ti, sin mah se fai se a tha a ni mai. - 9862381678

Zalen chanchinbu hi a va tha tak em! Mahse, a hawrawp a sin bakah lehkhatui in ren lutuk a, a paw ruai mai a, a chhiar a hahthlak. Chanchinbu dang anga fiah kekkawk hian rawn chhuah ve hram teh u. - 8414019726

Sorkar hnathawkte hi an pension kum dik tak, kum 60-ah hian pension zel sela chuan MR Bill hi a tam em em dawn em ni? Kum 60 tling tawh, pension si lo, hriselna tlahniam tan tawh, phai lama in-check-up ching hi an thahnem hmelin a lang. Kum dik taka pension ngam hi chi inthlan zawh hlima a tling lo lam party office nghak zat vel lek an ni ta ve ang. - Schols L.S.Khawlhring

Anticipatory Bail dan hi paih daih a tha lo’m ni? Rukrua rinhlelh, case nep tak takte an tang reng a, hausa leh thiltitheite bail an la hmasa thei hi a fel lo tlat mai. - 8014670700

Thlarau MR tihtawp tuma Finance Minister hmalakna hi a lawmawm ngei mai. Kum khat chhunga mipui thawh khawm, mipui sum Rs. 58,00,00,000 lai thlarauin hlawh an la hi rapthlak tak a ni! A zung nen lama curruption phoro tuma intiam sorkar (Chief Minister) hian heng mite chungah hian engtin nge hma a lak zel dawn tih mipuiten kan thlir reng e. Mipui chhiah pek atanga dik lo taka sum eitute hian an hlawh atanga an rulh leh ngei ka phut tlat. - 8729916728

Sualin ka nun hi min bei ve thin mah se, sualin ka nunah hmun an chang ve thei lo va, ka phal ngai lo vang. A chhan i hre duh em? Sualin a ngam loh Isua Krista ka vawn tlat avangin tlu sawp mai lovin ka dolet thei alawm. - 18yrs girl lungsum

Pu Editor, Idol kan thlang ngun ta viau va, a thiam leh tlingte hi tling mai sela, judge-te hian ngaihtuah chiang teh se. Judge qualified ringawta tlin hi chu a dik ber lo vang. - 8014015096

Kohhran hian zu zuar a hnawt chhuak a nih chuan thil ngaihtuah hmasak ngai awmin ka hria. A kaikuang ber kan MMLA-te hi hnawt chhuak hmasak phawt awm a nia, an dan siam avanga zu hi zuar an ni miau si a. Ruling leh opposition MLA-te an inang vek a nia aw..!! Tin, a in mite hi hnawh chhuah bawk tur. Phalna nei thlapa a zuarte hnawt chhuak sia phalna nei lova a zuarte hnawh chhuah leh si loh hian Kohhran zu zawrh phalna pek te, zu inte hi haw lovin phalna neia zawrh ngawr ngawr hi a hua a ni mai em? Zu lama inhnamhnawihte chu hnawt chhuak hmiah hmiah rawh se, anniho pawh hian an cho khawp ang. - Matea pu

Mizorama Print & Electronic Media-te hian chanchin thar tluangtlam pangngai leh advertisement ringawt buaipui lo hian RTI Act hmang tangkaiin mipui hamthatna tura sorkar hmalaknate hi enzuipui ve se a tha lo maw? Sorkar hnathawk an lian thur thur a, mipui kan rethei tawlh tawlh hi thil fel lo a tam a ni lo’ng maw? - 9774354495

Biak In lamtual leh kawtthler ualau laia Amen leh Halleluia thiam tak tak hian an thu au chhuahpui takzia leh rilzia, serh leh sang thil takmeuh a nihzia an hria ang em le?! A phawvuaka hlimhlawp thil ang lek pawngpaw au chhuahpui an awm nia a lan chang a awm; an chiam chiam fo si, thenawm, kawmchhak kawmthlangten an nunah danglamna an hmuh belh hauh si loh, sawisel dawn ila a kawlh hlei hlei ni si hi tlang tinah an phu dul dul ni bera a lan chang a awm thin. - 8731002757

Zu zawrhna atangin sorkarin sum khati zat kha a hmu a, vaihovin zu kan lakluhna man atangin Mizote sum engzat nge an hmuh ve le? Han puangzar ve se a va tha ve! - 9862597997

Delhi Chief Minister Arvind Khejriwal khuan WagonR cheng nuai 3 man bawr vel a hmang a, a car chungah light sen vet vet thei hi a vuah lo bawk a. West Bengal Chief Minister Mamata Bannerjee pawh khuan Santro car 2004 model a hmang a (tunah hian a la hmang nge ka chiang tawh lo, CM a nih tirh kha chuan a hmang chiang). Kan pute ve chuan nuai 9 chung lam vek car an hmang a, chawmhlawm state, kan sum dinhmun pawh chhe tak, a sen kawk vu tawh lehnghal a nia, kan pu berin a ti a. - 9862136235

Va ninawm ve, engkim a pung vek a nih hi maw!! Keini ang thawh mumal nei ve lote tan chuan parking mai mai pawh pek harsa khawp a ni tawh, hei ha! A hming chauhvin an VIP kan lo nih hi! - Azovi Zadeng

Lal Isua hmangaihna angchhung nuama kan chen ve theih nan hian hrehawm tam tak hi kan tawrh ve a tul a. Kraws kawng kan zawh mekna kawng hi kawng nuam leh awlsam a ni lo a ni. Sual lak ata hring fate min tlan chhuah nan Pathian chuan a fapa mal neih chhun Lal Isua min pe a, hrehawm tinreng tuarin Krawsah khenbehin a awm a, Krawsa Lal Isuan a tawrhnate kan hriat a, tawmpuitu kan nih ve avang chuan ringtu kan niha Lal Isua kan zuina kawngah hian hrehawm tam tak hi kan tawrh ve hi a ngai tlat a ni. - 9402520257

Ka’n phunchiar lawk teh ang. Zoram ringtute hian inkhawmpuina atana kan inpek leh kan lak urhsun ang tluk zet hian Thlarau Thianghlim tan hian inpe ta ila, kan ram hian hmasawn phah viauin ka ring. Inkhawmpui pawh a hlawhtlin lehzual ka ring. - MkSiama