He Mizoram. Kristian rama Biak Inte hi a va ropuiin a va mawi hlawm tak em! A chhunga lawi Kohhran mipuite pawh an nalhin an va mawi hlawm tak em! Mahse, Biak In ropui leh mawi takah Kohhran mipuite ro tak leh nalh takin kan inkhawm thin chu a ni si a. Pathian Biak In ropui tak leh mawi tak, Pathian Thlarau Thianghlim chen ngam lohna an va tam em! Kohhran mipui nalh tak takte Pathian Thlarau Thianghlim chenchilh loh an va tam em! Inkhawmpui ropui tak tak, Thlarau Thianghlim tel lova ro taka rorel a va tam tak em! Hengte vang hi em ni ang thenawm khawvengte kan inngeih loh va, hnathawkho thinte pawh kan inngeih tak loh? Zinga ring tak taka Biak Ina Pathian Biak Ina tawngtai thinte nun dan pawh entawn tur an awm tak loh! Heng zawng zawng hi tute mawhphurh nge ni ta ang le? Politician-te nge, sorkara officer-te nge, Kohhran hruaitute nge, Revival Speaker-te nge, an beramte zawk le? - Tea, Azl. Mahni hmasialna leh duhamna hian mihring nun hi a tibuai ber mai a nih hi. Ram rorelna, sumdawnna, in sak danah te, ramri hung danah te Pathian nung reng a lang lo ve. Kan Pathian hi dikna Pathian a ni tih hre reng ang u. Dik taka ti thinte chauhvin van ram an kai dawn a ni. - 9856836216 Aw, mak ka ti! Kan zaithiam pakhat hi! Gospel emaw, love song emaw, video-ah cool takin a sa thin an tia; mahse, chinghnia, beram vun sin a lo ni e. Mi chapo, mi kawlh a ni! - KhatPHEI Ka lo hriat danin sorkar hian state pawn - Manipur, Meghalaya certificate hi a pawm ni khan ka hria a; mahse, staff promotion a awmin heng certificate hmang hian promote an ni leh tho thin. A hma certificate nei lote khan promotion a awm dawn avanga an nei ta sup sup mai thin hi chu a rinhlelhawm hle. Hetiang a nih chuan mi dangte promotion-na tur kha certificate lem or dik lo hian a dang zel dawn tihna a nih chu. - M2 Tunlai chu World Cup (Mipa) hun lai a ni a, an thiamin a hmuhnawm a, mipui pawhin kan hlut a,, kan infiam mite pawhin hmasawnna an hmuh phah ngeiin a rinawm a. Hetiang bawk khawvel hual World Cup football (Hmeichhia) hi a awm thin a, a awm leh hunah chuan TV-ah hian tihchhuah ve ni thei tawh se a va duhawm em! Heng lai kan local inkhel thenkhat ai chuan an thiamin an hmuhnawm zawk bawk a, anni atang hian zir belh turte pawh kan nei ang a... - 9862838074 MUP lehkhabu siam,?Rambuai lai leh kei tih kha ka lo chhiar ve a, kha ta ka hmuh chhuah chu India sipaite nunrawnzia leh Mizo sipaite huaisenzia ka hmu chhuakin ka inhria. - TZKA, Khatla Chhandama kan awm ve theihna tura thahnemngai taka chhum lo chat lova Pathian thu sawi a ni thin a. Rawngbawltu missionary-te an fakawmin an thawhrimna Lalpan a hria a, vanah lawmman hlu chu an la chang ngei ang. Pathian thu tak hi kan hriat tam deuh deuh va, he khawvel kan chhuahsan hma zawngin kan hre zual zel tur pawh a ni. Pathian thu hi hriat tawh a awm thei lo va, hre tam tawh lo intih mai chi pawh a ni lo a ni. A thar zel, a thar zel ni tinin, englai pawhin. - 8415052704 I chungchangah hian engmah thu ka rawn nei thei lo tih chu ka hria e, i chungchanga thuneitu chu i nu leh pa leh Pathian chauh an ni. Ka rawn inrawlh ve duh duhna mai mai chu i FB nasa lutuk tak hi a ni. FB-ah hian ka lut khat khawp mai a, ka luh ve chhun pawh hian hla ka download hi a ni mai a, mi dang pawh an awm ve ngei mai; mahse, a bik takin Zuangtu nula tleirawlte kha chu i tam mah mah a, i tam dan lah hi ngaihzawng i zawng a ni tih i hriat reng a, i FB dan leh i khawih dan ang chi phei hi chu a tha lo zawng a ni lehnghala, hmeichhia i ni bawk si, unaunu, thimin a hual vel mek che a ni. KTP leh Kohhranah pawh i inhmang ve thin a ni awm a, a tha e; mahse, Pathian thil leh khawvel thil i hamkawp tel tam mah mah lutuk hi sim hlauh rawh. I hma lam hun hi eng a ang vak lo a ni. Engtin nge i lo khawsak tawh ka hre lo, i lo tal hiar tawh viau pawh a ni thei, insiam tha vat rawh. - The Slam Protestant Kohhran a lo pun zel khan rawngbawl hna hi nihna a ni lo va, hna pual sawina a ni zawk tiin Martin Luther-a hian a aupui thin; mahse, hun a lo kal zel chuan hna pual aiin nihna lam chuan a lo buk chho ta zel a. Kohhran chuan a thibeh leh mi narante a lo thliar ta zel a, Nicea Inkhawmpui chuan a lo nemnghet leh ta bawk si! Lal Isuan Thupuana Kohhran 7-te a zilhna thuah pawh khan Nikola thu dik lo a rawn tar chhuah kha he thu bawk hi a ni tiin hrilhfiahtute chuan an sawi thin. Chuvang chuan engvangin nge ni kan inthlei tak em em ang le? Rawngbawlna lamah ni se chuti bawk, missionary tirhchhuahna chungchangah ni se Synod hnuai leh hnuai lo kan ti, Kohhranah ni se mahni lawina Kohhran kan insawi mawisiak bawk. Heti hrim hrim chuan van kai a har duh awm mang e! Pathianah chuan angkhat vek kan ni zawk, thenhran a awm theih mawlh loh. - This Generation Zu in ngai lovin zu an do hneh ngai lo va, zu in miin an do hneh zawk thin. A chhan chu zu in mi chuan zu cheng a hria a, ha nei si lovin a seh nat dante a hria a. A tawpah an in-control-in an in tlem tawlh tawlh a, an ngheiin Pathian an bel leh nge nge thin zawk a ni. Khitianga tih nachang hre lo chu an liam phak phak mai reng a ni zawk, lo dawn ve teh! - Suaka, azl. Mizo upaho hian ngati nge zu hi an hlauh em em mai le? Bible-ah Isua leh a hote kha zu check-in zu siamnate an tihchhiat thu a awm lo reng reng. Bible-in a khap chu ei ruk te, sex hman sual te, mawngkawhur te, milem biakte a ni. Khawvelah hian sa ei mi an awm a, vegetarian an awm a, zu in mi an awm a (zu in mi tam zawk hi rui buai leh mahni taksa leh thlarau nun chhe khawpa in thinte an ni lo tih hriat tur), Mizorama J.H.Lorrain leh F.W.Savidge rawn tirtu, Robert Artington-a pa, Robert Sr. kha zu siamna, Brewert atanga millionaire a ni a, a pa thih hnuah sum pound 200000 a rochung a, hei hi missionary tirh chhuah nan a hmang a, Mizote hi Kristian kan lo nih phah ta a ni. Zu hi a hlauhva hlauh tur a ni lo, tette atangin a that lohzia inzirtir ila, Mizo tam zawk hi chuan zu in hi hremhmun tlak nghalna angah te kan ngaiin ka hria. A ni lo, uire te, ei ru te, milem bia te, mawngkawhur te hi hremhmun tlakna a ni zawk. Zu hi sual tinreng bul a ni; mahse, insum thei tan chuan engmah a ni lo. Zu kan buaipui dan em em hi chu a hnam tê zia tawh em mai, ei rute hi an hausak vang em ni kan do ngam loh? Kohhranah lah ei rua kan hriat chian pawh zirtirtu-ah te kan la zel si. Khawvela awm ve tur hrim hrima Pathianin a siam a ni zu hi chu, ringtute chu zu kan in lo tur tih lam a ni lo, thlarau nun leh taksa tichhe thei khawpin kan eiin kan in tur a ni lo. - TALIBAN RULES SAWHKHAWK of the day Kan sorkar hrawn lai mek chuan mahni nawmsakna leh pamhamzia mipui sawiselnaleh Zoram mipuiin an pawm thei lo tih hre reng chungin CAR man to chu an han lei ta ngei a. A tuk lawkah an hruai mipuite atangin Property Tax lak tum thu media lama han hmuhleh si phei chu ruilru a va na zual duh deuh ve le! - 9862838074