SAWHKHAWK of the day TUnlai hian kan ramah hian thim thuah hnih te, gas harsa te, kawngchhiate hi titi lar pawl a ni awm e. Kei chuan thim thuah hnih an tih fo hi kan rinchhan ber, Bible-ah hian ka hmu ve lo va, hei vang hian kei chuan rin bura neih chi-ah ka ngai lo ve tawp rih mai. Kan Pathian thuah hian chhiatna lo thleng tur chu a sawi lawk ngei mai a, hengte hi chu mi tumahin sawi lo mah se Bible-a inziak a nih miau avangin a lo thleng dawn. Chutih laiin kan ram hi kan sual em avanga hrem tur anga an sawina ang chi hi ka awih vak lo, kan ram aia sual hi an tam a, kan ram hi chu la zia tak niin ka ngai. Mi fel 10 chauh avanga SOdom leh Gomorra pawh hrem tum lo Pathian hian min hrem mai ka ring lo deuh. - Akimi Kar hmasaa Lalthlamuana Ralte thuziak chu a tha hle mai. A sawi ang chiah khan hnam dang kan tih, ringlo zawkte hian an hunpuiah hian an thil zawrh an titlawm sup sup a, keini ringtute hian hlep tam phet kan tum zawk si hi a hahthlak a ni. Tumah han indem thei pawh kan lo awm lo, kan phak ang tawkah hian mipui hi a tam thei ang ber ei tum theuh kan awm khawm ni maiin ka hria a ni. A hahthlak teh zawng a nih hi!! - MkSiama Kan ram kawngpui hi khawilai mai pawh a chhe lutuk ringawt mai. Thal lai hian kan sorkar chak tak hian a siam tha em ang chu maw? Heti ringawt chuan tlema zin mi deuh tan phei chuan lirthei a uiawm lutuk ringawt a. An VIP-te kalna kawng hi han duat deuh sela chuan kan fak ngawtin ka ring a ni. Khawi lai mai pawh hi thalai thlan tur awm lo ang vel hi vek mai hian ka hre deuh mai. Lirthei an han tlan duh lo pawh hi a awm khawp mai. - Driver Sangpuia Kan ramah hian ngati nge ruah a sur hlek apianga current hi a awm loh thin ni ang aw? Mi ramah hian a awm ve ang em le? Tin, Aizawl khawpui anga current siam ngaih vanga nileng lenga current neih loh zinna khawpui hi a awm ve ang em? Chawlh apiang mai hian an siam ni mai hian ka hria a. Hei aia tlo leh siam ngai zing lo hian phai ram rila zir chhuak kan engineer-te hian an zam thiam lo em maw ni dawn ni? A mak zozai em em lutuk mai, ka ning! - 8794686442 Tun hnaiah kan milar zinga mi tlemin a lo awm mawi lo deuh em maw ni, sawi leh thlalaka deusawhna a tam hle mai, ka khawngaih takzet a ni. Hmana ka vei bawk, social media hi kan hmang thiam lutuk nge kan thiam lo zawk ni, mite mualphona hi a zau lo vang tih kan hlau nge ni zawk, kan thehdarhsak chiam chiam mai hi a tha lo. Tuna kan buaipui mek pawh hi a tak a lo nih pawhin a mal thuneihnaa a lak a ni a, tihdarh lo tura a lak pawh a ni ngeiin ang. Heti tak maia a mi mal thil kan tihbawrhbansak nasa hi a dik lo a ni. - Sangtea gas harsa kan buaipui a, chutih laiin thim thuah hnih thawm a lo rih a, tunah zaithiam chet chhiat emaw ni a lo awm leh a. Heng thil hi enga mah ka ngaihven tehchiam lo va, ka rilrua lo awm zawk chu Mizote hian kan buaipui hi kan buaipui chuk chuk a, ni hnih khat leh thilah thil dang a lo awmin kan hre chang leh tawh reng reng lo va. Kan rilru nghet lo lutuk hi a veiawm ka ti zawk a ni. Buaipui ngai hi kan buaipui peih lo, thil that buaipui tur zawng hian kan za chung ni mai hian ka hria. - 9436360899 Kan rama kan celebrity-te a chhe zawng leh a mualpho zawnga kan timualpho thin hi sim a va ngai tawh tak em! Kan hua a, kan ngei pawh ni se, kan Mizopuite timualpho zawnga chet hi kei chuan ka demin Mizo rilru put loh thlakka va ti em! Sim hmak ang u. - Thlirtu