ZALEN Feb 18, 2025; Chief minister Lalduhoma'n sawhthing chingtuten an thar ang ang te a bo a bang awm lo a an hralh vek tur thu a sawi.

Vawiin (18.2.25) khan ZPM Legislature Party Thutkhawm neih a ni a, Lalduhoman chief minister in kaihruaiin, sawrkar hmalakna hrang hrang leh budget session lo awm tur thlirhona neih a ni.

Legislature party thukhawm chuan thlaithar hralh chungchang thlir hona hun hmangin, Lalduhoma chuan kuthnathawktuten sawhthing an hralhna tur ruahmanna fel tak siam a nih tawh thu a tarlang a, sawhthing chingtuten an thar ang ang te a bo a bang awm lo a an hralh vek tur thu a sawi. Secondary collection centre 62 atanga sawhthing hralh tur a nih thu sawiin, a ruala chawh vek a rem loh chang a awm a nih pawhin , mipuiten ruahmantute thu lo ngaichang thiam tura a duh thu a sawi bawk.

Hmunphiah hralh mek a nih thu sawi lang bawkin, chief minister chuan, Empanelled buyer ten Hmunphiah Grade ‘A’ duh khawp lei tur an hmuh loh chhan en zui mek a ni a, hmunphiah hralh thei lo an awm a nih chuan sawrkarin March thla chhungin a lei sak vek tur thu a sawi bawk.