ZALEN April 24, 2025; Mizoram Contractor Association chuan sawrkar laka thil phut an neih hrang hrang point 20 an puang chhuak.

Sawrkar laka phut an neih hrang hrang an puan chhuah te : 

1. Sawrkarin Contractor-te tan hna chhuak apiangah 100 a 30 tal dah zel rawh se.

2. Sawrkarin Contractor atana a pawm tawh chu Renew ngal tawh lovin kalpul tawh rawh se.

3. Contractor atana dah ngheh tawh te chu an lo upat a hna an thawh theih loh hunah zangnadawmna pe ve rawh se.

4. Contractor an boral in sawrkarin ral ve tawh rawh se.

5. Contractor te tan Tender an chhan in Earnest Money ngai lova chhan ni rawh se.

6. Contractor te tan Mizoram sawrkarin thlenna a neih Tourist Lodge ah te, Inspection Bungalow ah te, Mizoram House ah te Mizoram sawrkar Department hnuaia thlenin awm ah te, a man zat ve chauhin thlen tir ve rawh se.

7. Tender chhan a nihin dan ang taka chhan thlap ni thin rawh se.

8. Tun hnaia Tender chhanna man to ta lutuk hi sawrkarin bithliah rawh se.

9. PWD hnuaia Contractor te Department danga Contract hna Tender an chhang thei lo hi chhang ve thei rawh se.

10. Department hrang hrang hnuai a Contractor te pawhin P.W.D. hnuaiah pawh Tender chhang ve thei rawh se.

11. Sub-Contractor te tan 100 a 25 work done neih theih hi 100 a 35 ah tih san ni rawh se.

12. Contract hna awmah Department Work a hna tam lutuk hi tih tawp ni rawh se.

13. Contractor ten an hna thawh theih chin bithliah awmah an hna thawh theih chin bithliah a Contractor bikte zel Tender chhan tir ni rawh se.

14. Contractor te hming hawh a, a hawhtuten Sub-Contract a hna an thawh work done an lak dawn in a tira phalna lak kher ngai loin an thawh zawh hun hun ah work done hi lak phalsak ni rawh se.

15. Tender a awmin a Form man sumdawnna ang maia sang tak taka lei ngai hi tih tawp vat ni rawh se.

16. Tender a awmin a thawh hun chhung bithliah sa vek a ni a, a thawktu tur te thlan mai ni lova, rei tak tak a inchiah a, hei hian hnathawh theih hun chhung a tihbuai theih avangin Tender chhan tawh te a thawk tu tur thlan vat vat ni rawh se.

17. Contractor te tan hna thawh tur a vang em em a, hna a awm loh chuan kaisan mai pawh a har a, hetiangte a nih avangin Contractor a kum 15 a an senior tawh chuan kaisan tir zel ni rawh se.

18. Mizoram Contractor te tan Loan awlsam zawk leh hniam zawk a puk theihna dan sawrkarin siam rawh se.

19. Contractor te an lo boralin an aiawh tur an nupui fanaute an awm chuan an aiawh phal ni rawh se.

20. Tender lova duhsak zawng zawng hna in pek hi dan kalh a nih angin Tender ngei ni rawh se.