ZALEN February 15, 2025 : Mizoram Government Doctors' Association khawmpui, MGDA 39th Annual Conference 2025, Aijal Club-a neih chuan doctor lakbelh an duh thu resolution siamin an pass.

Mizoram Government Doctors' Association khawmpui rorel inkhawmah hian reslotion pass in 'District hospital tinah mipuite tan service (24x7) tha tak pek anih theih nan emergency service enkawl bik tur doctor lak belh ngei ni rawh se' tih chu pass in chak taka nawr zui nise an ti a. Khawmpuiah hian thiamna lama intuaihriamna 'continuing professional development' hun an hmang bawk.

Mizoram Government Doctors' Association khawmpui hian kum hnih (2025-2027) chhung hruaitu atan heng mite hi an thlang bawk. President Dr. C.Lalhrekima, vice president Dr. T.Lalzawmliana, general secretary Dr. C.Lalchhandama, asst. general secretary Dr. Lalnunhlima Khiangte leh treasurer ah Dr. C.Malsawmtluangi te an ni.