ZALEN July 14, 2025; 1.4.2025 -14. 7.2025 inkar a sawrkar hnathawk, Non. Empaneled Hospital a admit MR bill neite chuan mahni department-ah bill theh luh theih a ni.

OFFICE MEMORANDUM (Vawiin 14.7.25 a tihchhuah)

Review Committee on MUHCS in a rel angin Mizoram Universal Healthcare Scheme hman tan ni, 1st April, 2025 atanga Sawrkar hnathawkte leh an chhungte (dependent family member), empaneled Hospital ni lova lo inenkawl tawh te medical reimbursement bill chu mahni thawhna Department-ah MR Bill form pangngai hmangin thehluh theih a ni a. Chung Bill te chu Head of Department/Head of Office ten Chairman, MUHCS Review Committee-ah an theh lut ang a. Review Committee hian damlote inenkawlna senso pek dan tur chu a tul angin a ngaihtuah thin ang.

A chunga sawi tak ‘medical reimbursement bill thehluh theih’ tih hian 1st April 2025 atanga he thuchhuah ni thlenga damlote inenkawlna senso a huam ang. Hemi hnu-ah erawh chuan No.D.12019/5/2024-MSHCS/MUHCS-3 dated 15.5.2025-in a sawi angin empanelled hospital ni lova in admit te chu empaneled hospital atanga Doctor in a refer na emaw, HFWNotification No. D.12016/6/2025-HFW/MUHCS/10 Dt.11.7.2025-in a sawi angin Sawrkar hnathawkte leh an chhungte damlo an in-admit atanga darkar 48 chhungin Mizoram State Healthcare Society-ah phalna an lak hnu-ah chauh medical reimbursement bill hi ngaihtuah theih a ni ang.

#ZalenNews