September 2, 2022; Mizoram sawrkar hnuaia a nghet loa thawk, muster roll, workcharge leh provisional employee te chu nimin atang khan August thla hlawh pek an ni a, hetihlai hian a nghet a thawk (regular) te hlawh pek hun tur erawh sawi mai theih a la ni lo nia thudawn a ni.

ZALEN thudawn danin, nimin lam khan Treasury hrang hrangte chuan a nghet loa thawkte August thla hlawh tur an pe chhuak tan a, thla hmasa lam khan August ni 5 ah July thla hlawh pek an lo ni tawh. Hetihlai hian a pangngai ah chuan a nghet loa thawkte hi ni 20 chho ah pek thin an ni.

Sawrkar hnathawk nghet (regular) te hlawh pek hun tur erawh sawi mai theih a la ni lo nia thudawn ni bawkin, thla hmasa lam khan August ni 10 atangin July thla hlawh pek an lo ni tawh a, tun dinhmun a sawrkar hnathawk te hlawh pek tlai an nih nachhan hi Mizoram sawrkar sum harsatna vang niin, finance department chuan August ni 4 khan centrally sponsored scheme (CSS) sum pek chhuah a nih avanga Mizoram sawrkar sum dinhmun that loh chungchang sawifiahna a lo tichhuak tawh.