February 8, 2023;  Mizoram sawrkar hnathawk inzawmkhawm pawl Federation of Mizoram Government Employees & Workers (FMGE&W) chuan Dearness Allowance (DA) tihphun leh a hun taka hlawh sawrkarin a pek phutin lungawiloh an lantir dawn.

FMGE&W in an hnuaia association hrang hrangte leh an member te hnena hriattirna vawiin a an tihchhuah a tarlan a nih danin, February ni 1, 2023 a council meeting a an lo rel tawh angin, Mizoram sawrkar notification dinglai anga Dearness Allowance pek an nih phut nan leh sawrkarin dan anga a hun taka hlawh a pek zel phut nan lungawiloh an lantir dawn a, an member zawng zawngte chu mahni awmna hmun theuh a lo zawm vek turin an hriattir.

Lungawiloh an lantir dan tur :
Ni 6&7 March 2023 - Pen/Tool down strike
Ni 9&10 March 2023 - Mass Casual Leave

Hengte hian awmzia a neih loh chuan March 13, 2023 ah an hmalak zel dan tur council meeting in a ngaihtuah ang.

Sawrkar laka lungawilohna an lantir hi mipuiin an tawrh lutuk loh nan tun dinhmunah chuan heng mite hian an zawm ve rih lovang.

1. Law and order kengkawhtu Magistrate te
2. Uniform Care (Police/Excise/Fire/Jail etc.)
3. University/Board Exam a duty te
4. Department hrang hranga Emergency duty te (hospital/PHE/P&E etc.)

An hmalakna avanga an member zingah tuar an awm chuan anmahni chhawmdawlna tur FMGE&W in a ngaihtuah ang.

Hengte bakah hian retiring age kum 62 ni tura an dilna pawh sawrkar hotuten an tiam tawh angin ngaihtuahsak thuai an phut bawk.