August 22, 2023; Vawiin a sawrkar hnathawk FMGEW Federal Council thukhawm chuan DA tipung tura sawrkar kar nan hnathawk lo a office kai (pendown strike) an rel.

Sawrkar hnathawkten dan dinglai anga Dearness Allowance (DA) pek phut-a lungawi lohna an lantir chungchang ah nimin khan CM Zoramthanga chuan, sawrkar hnathawk inzawmkhawm pawl, Federation of Mizoram Government Employee Welfare hruaitute a sawipui tawh a, an inkawmnaah hian CM chuan, tun dinhmunah sawrkar sum dinhmun a that loh avangin FMGEW hruaitute chu lo hrethiam hram tur leh lungawi lohna an lantir mek chu titawp turin a ngen a ni.

Vawiin an thutkhawm ah hian CM ngenna chungchangah pawh sawi chhuah a ni a, hetihlai hian sawrkar notification ang a DA pung lak chu an chanvo ni ngeia ngaiin, sawrkar kar nan August 28-30, 2023 chhung in pendown strike neih an rel a, chu chuan awmzia a neih loh chuan August 31 leh September 1 ah mass casual leave an la ang a, awmzia a neilo zel a nih chuan September ni 3, 2023 ah an kal zel dan tur an ngaihtuah ang.