ZALEN Feb 27, 2025; Mizoram sawrkarin a hnathawkte, Chapchar Kut pualin, March ni 3 atanga ni 6, 2025 chhung office-ah Mizo thuam inbel turin a hriattir.

Chapchar Kut, 2024 chu Mizoram state pumah March ni 7, 2025 (Zirtawpni) hian lawm tur a ni a. Hemi puala Mizoram sawrkar General Administration Department (GAD) thuchhuah chuan, Chapchar Kut chu Mizo hnam ziarang hlutna leh nunphung chawilarna Kut pawimawh tak a nih thu a tarlang a. Mizoram sawrkar hnuaia thawktu zawng zawngte leh state sawrkar hnuaia Public Sector Undertaking, Boards, Bodies leh Agencies hrang hranga thawkte chu March ni 3-6, 2025 chhung hian office-ah Mizo hnam thuam inbel vek tura hriattirin a ngen a ni.

GAD chuan Mizoram sawrkar hnuaia Administrative Head leh Head of Department zawng zawngte chu he thuchhuah hi anmahni department enkawl theuh hnuaia official leh thawktu zawng zawngte hriattir turin a ngen nghal bawk.