DOWNLOAD OUR APP

Read latest news on your phone
app-store

SAWRKAR HNATHAWKTEN GENERAL COUNCIL MEETING AN KO

Jan 23, 2023

Mizoram a sawrkar hnathawk inzawmkhawmna pawl, FMGE&W chuan Dearness Allowace (DA) chungchang, hlawh lak tlai chungchang leh 62 yrs retiring age chungchang ngaihtuah turin, February ni 1, 2023 ah general council meeting a ko.

January 23, 2023; Mizoram a sawrkar hnathawk inzawmkhawmna pawl, FMGE&W chuan Dearness Allowace (DA) chungchang, hlawh lak tlai chungchang leh 62 yrs retiring age chungchang ngaihtuah turin, February ni 1, 2023 ah general council meeting a ko a, a hnuaia affiliated association zawng zawngte chu aiawh tir ngei tur leh mahni association ngaihdan leh hmalak duhdan fel tak neisa turin a beisei.

FMGE&W general secretary in hmalakna tur a tarlan danin, DA chu thla 6 dan zelah tihpun thin a ni a, Mizoram sawrkar hnathawkte DA pawh tipung zel turin sawrkar ah ziakin thlen a ni tawh thin a, sawrkar hotute, CM, Deputy CM leh minister dangte pawh vawi 2/3 sawipui an ni tawh a, mahse hmasawnna neih theih a ni rih lo.

Supreme Court thupek ah sawrkar hnathawkte hlawh chu a hun taka pek thin tur a nih thu leh pek tlai an nih pawhin a pung nena pek tur a nih thu tarlan a ni a, chutih laiin Mizoram sawrkar hnathawkte chu thla engemaw zat hlawh pek tlai an ni leh tawh a, hemi chungchang hi CM hovin 18.2.2022 ah sawiho niin, CM pawhin a hun taka hlawh pek chhuah thin a nih tur thu leh chutianga ti thei tura hma lak zel a tum thu FMGE&W hruaitute a hrilh a, amaherawhchu, thla tam tak chhung hlawh pek chhuah tlai a ni leh tawh a, hemi vang hian sawrkar hnathawk mi tam takin harsatna an tawk mek a ni.

Hengte bakah hian FMGE&W in general conference a an lo rel tawh angin Mizoram sawrkar hnathawkte retiring age chu kum 62 a tihsan turin sawrkarah dilna thlen a ni a, 23.6.2022 ah CM in cabinet meeting ah ngaihtuah a nih tur thu FMGE&W hruaitute a hrilh a, amaherawhchu tun thlengin cabinet meeting ah ngaihtuah a la ni lo.

 

Share now