February 18, 2024; General Administration Department (GAD) ruahmanna siam angin, naktuk (19.2.24) atangin sawrkar hnathawkte an bang tlai tawh dawn.

GAD ruahmanna siam a tarlan a nih danin, February ni 19, 2024 atanga September ni 30, 2024 chhung atan sawrkar office te tan hun tur chu zing dar 9 ah niin, tlai dar 5 ah an bang ang. Hei hi India hmarchhak a Mizoram house te pawhin an zawm dawn a ni.

Hetihlai hian Delhi, Kolkota, Mumbai, Bengaluru a Mizoram house te erawh zing dar 9:30 ah tanin, tlai dar 5:30 ah an bang thung dawn a ni.

Thlasik chhung atan Mizoram sawrkar hnathawkte pisa kai hun chu zing dar 9 atanga tlai dar 4 a ni a, naktuk atangin darkar 1 in an bang tlai tawh ang.