ZALEN March 19, 2025: Empanel buyer leh commission ten hmunphiah qntls. 30,804 an lei tawh a, Mizoram sawrkar sum hmangin hmunphiah lei a la ni lo.

Vawiin assembly session zawhna leh chhanna huna member te zawhna leh zawhbelhna te chhanga he thu hi sawiin, Land Resources, Soil & Water Conservation Department changtu minister Lalthansanga chuan, Mizoram Agirculture Board hnuaiah empanel buyer 7 leh non empanel buyer leh commission agent mi 16 ten hmuphiah an lei mek tih a sawi a, tun thlenga an lei tawh zat qntls 30,804 a tling tawh a. ZOHANDCO in qntls. 2,450 an lei tawh bawk.

Hetihlai hian Mizoram sawrkar sum hmanga lei erawh a awm lo a. Sawrkarin hmunphiah ro atan rate erawh a siam a, grade A kg. khat Rs. 100 leh grade B kg. ah Rs 80 te a ni.

Minister chuan kumin a hmunphiah thar te chu an lei vek dawn tih sawiin, a season pawh lo tawp se, an lo lak tawh sa te chu an lei vek dawn a, a grading awm loin, an neih ang ang an lei dawn niin a sawi.