ZALEN March 12, 2025; Agriculture minister-in Mizoram a hmunphiah thar te chu grade then loin Kg. 1 Rs 80/- a lei mek a nih thu house a hrilh.

Vawiin assembly session zawhna leh chhanna hunah member te zawhna chhanga he thu hi sawiin, agriculture minister PC Vanlalruata chuan, january leh february thla chhunga hmunphiah tharte chu ZOHANDCO kaltlangin lei mek a ni tih a sawi a, grade then awm loin kg.-ah Rs. 80 zel a lei mek a nih thu a sawi.

Agriculture miniser sawi danin, hmunphiah collection centre hmun 7-ah siam a ni a, chung hmunte chu Tlabung, Phairuangkai, Marpara, West Phaileng, Sakawrdai, Saipum, Vairengte te a ni.

Agriculture minister chuan kuthnathawktuten tlem a lo nghah an thei lo ve bawk tih sawiin, hmun tam takah kg.-ah Rs. 60 ten an lo hralh tawh thu leh Rs. 80 a an lei leh takah chuan kuthnathawktu thenkhatten an ui leh hnuhnawh hle niin a sawi bawk.