Sawrkarin May 17, 2021 thleng total lockdown a puang

Admin - May 09, 2021

Mizorama lut turte reng reng chu sawrkarin a hawn mek entry points kaltlang chauhvin an lut thei ang

Aizawl: Mizoram sawrkar chuan ni 10.05.2021 zing dar 4 atanga ni 17.05.2021 zing dar 4 thlenga hman turin total lockdown a puang.

Lockdown inkaihhruaina a langsar zual te chu- Mizorama lut turte reng reng chu sawrkarin a hawn mek entry points kaltlang chauhvin an lut thei ang. Mizorama lo lut tur te chuan mPass-ah an in- register ngei tur a ni. Mizoram an lo luhna (Point of entry)-ah RAgT hmanga en dik vek an ni ang a. RAgT positive te chu enkawl dan tur dinglai (Protocol) angin enkawl zui tur an ni ang. RAgT negative te chu fimkhur takin  mi dang nena  in-contact lovin ni 10 chhung mahni inah an inkhung hrang ang. Ni 10 hnuah RT-PCR/TrueNat test an nei ang a, negative result an neih chuan inkhung zui a ngai tawh lovang. A tul a nih chuan Deputy Commissioner ten an District chhungah Containment Zone an puang thei ang a, LLTF/VLTF ten veng/khaw bila inkharkhip leh khualzin luh phal loh an puang thiang lovang. 

Puipunna hmun reng reng khar vek tur a ni a, phalna pek ni lo dawrte leh intawllenna hmun zawng zawng chu khar chhunzawm tur a ni bawk. Zirna in leh Sakhaw biakna hmun te chu khar chhunzawm tur a ni ang. Inneihna leh reception leh mitthi vuinaah mi 30 aia tam punkhawm phal a ni lo.

Mahni chenna khua chhuahsana zin veivah khap tlat a  ni. Eichawp dawr leh chawhmeh zawrhna te chu Ningani (Thursday)-ah hawn theih an ni ang.

Mizoram Sawrkar hnuaia office zawng zawngte chu khar tur a ni. Amaherawhchu, DM&R, H&FW, Home (Police, Fire & Emergency Services, Home Guard & Civil Defense), Finance & Treasury, District Administration, Civil Aviation leh I&PR te chu an kal thei ang. 

Hmasawnna hnathawh hrang hrang, lo leh huan lama hnathawh, quarry-a lung lak adt. chu AMC Area pawnah leh District Headquarters pawnah te chuan khuahkhirhna awm lovin kalpui theih a ni ang. Amaherawhchu, heng hna thawktute hi khawpui chhunga an veivah khap tlat a ni.

Share now