Aizawl : Mizoram a Covid-19 kai tam tak chu an kaina chin chhuihchhuah theih tawh lovah sawrkar chuan a ngai a, tualchhung inkaidarhna thleng mekah an ngai.

    Sawrkar chuan tualchhung inkaidarhna thleng mek hi chhui chian tul hleah a ngai a, a tul anga hmalak chhoh zel tumin, random Covid-19 test hmangin survey neih turin thutlukna siam a ni tawh.

     State Executive Committee Chairman leh Chief Secretary ni bawk Lalnunmawia Chuango chuan thuchhuah siamin, Disaster Management Act, 2005 hnuaiah Section 22(2)(h) in thuneihna a pek angin, Health & Family Welfare Department chu random Covid-19 test a tul anga ti turin thupek a chhuah.