ZALEN Feb 19, 2025; Saza hliam chhar chu a theih ang anga enkawl nimahse, a hliam tuar loin a boral.

ZALEN thu lakna in a tarlan danin, DCF (WL) Investigation report aṭanga a lan dan chuan, silai hnuhma a nei nual a, a mal ruh a tliak a, a ngum ruh a sâwp vek bawk a. A pang a dam lo viau. Silaia kah a tawh avangin khamah che sualin a lum a nih a rinawm ber a. A lumna lamah a ruh hi a sawh chhiat belh nasa niin a lang. 

A theih ang anga enkawl nimahse vawiin chawhma dar 11:30 vel khan a tuar chhuak zo ta lo a ni.

Nimin (18.2.25) chawhnu khan Saza hliam tuar hi Hualngohmun thlen hma kawr kawngchhakah hmuh a ni a. He Saza hliam tuar hi hriat a nih veleh Hualngohmun YMA te, DCF Wildlife & Staff, State vetinery experts, Aibawk Forest RO te, Sadar Field staff te, ASEP te leh mi tlawmngai dang humhalhtute an pung khawm a, he Saza (State Animal) hi a hliam tuarna hmun atangin lak chhuah a ni a, State Vety Hospital panpui a ni.