Aizawl: Mizoram Co-operative Apex Bank chuan nimin khan tribal scholarship chu zirlaite bank account ah thun zawh hman an beisei tih an sawi.

Mizoram Co-operative Apex Bank Chief Executive Officer Lalzuahliana chuan zirlaite bank account a pawisa thun hna chu ngawrh takin an thawk tih Zalen hrilhin, "Khawl hmanga hna thawk kan ni a, tluang taka hna kan thawh theih chuan Inrinni (4.7.2020) hian account ah thun zawh vek theih kan beisei a ni," a ti.

Mizoram Scholarship Board hotute chuan thil tul ang ang chu Mizoram Co-operative Apex Bank lamah an pe tawh tih sawiin zirlaiten pawisa an dawn thuai an beisei thu an sawi bawk.