May 12, 2024; Tukin, Pathianni zing dar 3 vel khan Bilkhawthlira Eklavya Residential Model School chu rawk a ni a, a rawktu zinga mi 3 chu man an ni.

Thu lakna in a tarlan danin, EMRS a bungrua an dahna atangin LED Solar Street Light 10 leh Syska LED light 20 lakchhuah a ni a, an thawm hriain a bula hnathawka riakte chuan tlan chhuaha man an tum a, mahse rukrute hian kawngka pawn lama an lo kalh hnan avangin an chhuak mai thei lova, tukverh atanga chhuakin, Tuithaveng Branch YMA hruaitute an hrilh nghal a, rukru zinga 3, Subhojit Bhattacharjit Silchar, Kartik Sutradhar Silchar, Jasim Uddin Patharkandi te chu an man a, pakhat erawh a tlanchhuak hman thung a ni.

Heng rukru te leh an motor Car chu Bilkhawthlir Police ah an hlan nghal a, EMRS ah hian a hma pawhin bungrua alo bo zeuh zeuh tawh a, he mite pawh hian a hma pawha an lo lak tawh thu an sawi.