ZALEN March 11, 2025; Sawrkar hmasa hunlai a dinhmun sang zawka hlan kai (upgrade) school te chu terms & conditions thenkhatah an tling lo a, an dinhmun tur zirchian mek zel a ni.

Vawiin assembly session zawhna leh chhanna hunah Mamit bialtu H Lalzirliana zawhna chhangin school education minister Dr. Vanlalthlana chuan, sawrkar hmasa hunlai a high school upgrade zat chu 120 a nih thu leh middle school upgrade zat 48 a nih thu house a hrilh.

School education minister chuan ZPM sawrkar-ah school upgrade te dinhmun chu tihdanglam a ni tih sawiin, an tihdanglam chhan chu, provincialisation rules dinglaia terms & conditions thenkhat, heng school te hian nasa taka an tlin loh vang a nih thu te, kalpui zel dan tur chu uluk taka zirchian mek a nih thu leh, council of ministers meeting a put luh leh tur a dah a nih thu te a sawi.