ZALEN March 16, 2025; Nizan khan Scooty in C. Lalrinsanga (36) s/o Duhthanga, Farm veng, Thenzawl chu a suhlum a, a sutu Tlangval Lalnunhlima (19) pawh tukin khan a thi zui ve leh.

ZALEN thudawn danin, nizan dar 11 bawr vel khan Thenzawl khaw chhung lam atanga tlan scooty chuan ke a kawngpui sir a kal mi pathum zinga pakhat, C. Lalrinsanga chu a su a, a hmunah ka pawh chhawn loin a boral.

Scooty khalhtu Lalnunhlima (19), Thenzawl vek pawhin hliam na tak tuarin, ZMC panpui a nih hnu, tukin dar 4 khan a hliam tuar loin a boral ve leh a ni.

C Lalrinsanga hian a nupui leh a fate a kalsan a, vawiin chhun dar 12 khan vui a ni a, Lalnunhlima pawh vawiin chawhnu dar 2 khan vui a ni.