ZALEN Feb 15, 2025; Tukin (15.2.25) dar 1 vel a scooty leh bike insu-ah Lalhmunmawia (20), Durtlang Leitan a boral.

ZALEN thudawn danin, vanduaina tawka boral Lalhmunmawia s/o Lalmuanawma hi bike hnunga chuang niin, Ramhlun South, City Bus stand bawr velah anmahni tawk zawnga tlan scooty nen an insu a ni.

An insutna-ah hian Lalhmunmawia hi per chhuakin, a ring ruh a sawh nia hriat a ni a, rang takin damdawiin panpui nimahse, tukin dar 1:30 khan a hliam tuar loin a boral a ni.

He vanduaina thlengah hian midang pawhin hliam an tuar a, malpui ruh tliak te leh mit (eye) a hliam na tak tuarte pawh an awm nia thudawn a ni.

Lalhmunmawia hi postmortem a nih hnuin, vawiin chawhnu dar 1 khan vui a ni.