Premier League tan a hnai leh tawh a, club hrang hrang te ngawrh takin an bazar chho mek bawk a, Tottenham lam pawhin player thar neih belhin season khat chhung atan Barcelona defender Clement Lenglet chu loan-in an lalut.

Lenglet hi season khat chhung Tottenham lamah hian a khel phawt ang a, a khelh that viau pawhin an kawl chhunzawm thei lo maithei. 

Tun season chhunga in seng nasa ber pakhat Tottenham hian player an lei nual tawh a, Lenglet hi player an lakluh pangana a ni a, Ivan Perisic, Yves Bissouma, Fraser Forster leh Richarlison te pawh Spurs hian an lo lalut tawh a ni. 

Kum 27 a upa Lenglet hian season hmasa khan La Liga match 7 ah chiah bul a tan phak a, a hlim tehchiam lo. Kum 2018 khan Sevilla atangin Barcelona hian Lenget hi an lei a a ni.