Aizawl August 22, 2022 : MPYCC chuan thuchhuah siamin Hun rei tak atang mi nghahhleh tawh, sawrkar term tawp dawn hnaih lama SEDP hawnna hun hmanga, sem tan a tum ta chu Congress Thalai chuan a dawngtu tur te an lawmpui thu leh chhungkua, ram leh hnam hmasawn nana hmang vek turin duhsakna an hlan a, Cheng nuai 3 sem ngei turin MNF sawrkar an phut bawk.

Mipuiin MNF Party hnenah, "Cheng nuaih 3 aia tlem lo min pe ru kan ti reng reng lova,'  MNF Party hian, 'kan sorkar chuan, cheng nuaih 3 aia tlem lo kan pe vek dawn che u," tiin an intiamna zawk a ni. "Chuvangin cheng nuaih 3 aia tlem lo tiamtu ten, SEDP-ah Cheng singnga (₹50,000) sem an tum a, 1st installment a Cheng singhnih sangnga (₹25000) pek an tum ta mai hian, an thu tiamah an din loh zia leh Mizoram mipui min hmuhsit zia a ti lang chiang hle a ni," an ti

Congress Thalai chuan, "MIP Project a lokal pui tawh ang mai a cheng singthum pek tumin, Cheng sangsarih a sem ang vela hmasawnpui tham ni mang si lo, sum semchhuah a tum tha lo kan ti hle a ni," an ti.

Lalsawta kaihhruaina hnuaiah Congress Party an tho chhuak leh mek a, Mizoram mipuite tan sawrkar tha siam ngei turin an inbuatsaih chho mek, niin an tarlang bawk.