February 27, 2023; Agriculture miniser C. Lalrinsanga'n SEDP hnuaia Vaimim chintir atangin MT 19,085 thar chhuah a ni tih house a hrilh a. Chhunzawm zel tlakah an ngai tih a sawi.

Vawiin Assembly Budget Session zawhna leh chhanna hunah Serchhip bialtu MLA Lalduhoma zawhna Agriculture minister in a chhan danin, SEDP hnuaia Vaimim thar chhuah atangin quintal 1094.61 sawrkarin a leisak a.

Quintal 553.19 chu kg ah Rs. 200 in Serchhip ah lei sak niin, quintal 541.42 chu kg ah Rs. 24 in Tanhril hmunah lei a ni a, sawrkar in Vaimim a lei sak te chu ran chaw siam nana hman a ni.

Zawhbelhna chhangin, SEDP hnuaia Vaimim thar te chu department in an thlirna atang chuan hlawk hle ah an inngai tih sawi bawkin, chhunzawm zel tlakah pawh an ngai tih a sawi.

Price support chungchangah central an dawr thu te, a awm theih ngei beisei a nih thu te pawh an dawn thu te, a bawhzuina ah thill buaithlak deuh a awm thu te sawi bawkin, thar chhuah han tam deuh zel sela, price support pawh mumal zawkin a kalpui theih a rinawm niin a sawi a.

"Man tlawm zawk ran chaw hi state pawn atanga chawkluh theih nimahse, Mizoram chhung ngei a thar chhuah, ran chaw atana siam te chu ran in an ngeih bik hle a ni tih finfiah a ni," Agriculture minister chuan a ti bawk.