Aizawl: Mizo National Front party chuan Mizoram sawrkar flagship programme, Socio Economic Development Programme (SEDP) Family Oriented hawn a ni ta chu lawmawm an tih thu an sawi.

Nimina thuchhuah an siamah MNF chuan, 'Mirethei leh kuthnathawktute hnen thleng phak tura, Zoram malsawmna chawi hniam a ni ta hi lawmawm kan ti tak zet a. Covid hripui leng avang te, hriat lawk loh harsatna hrang hrang avang leh Central sawrkar-in sum enkawl dan kal hmang a tihdanglam avanga, sum harsatna a awm mek laia SEDP sem a ni tan mek hi a lawmawm tak zet a. Thutiama ding tlat thin, mirethei leh kut hnathawktute dinkhawchhuahna dah pawimawh hmasa Zoramthanga sawrkar hi kan chhuang tak zet a ni,' an ti.