Aizawl; Attorney General, Supreme Court thupek angin September 1, 2022 atangin Mizoramah ‘lirthei khalhtu dan bawhchhia hremna dan thar’ hman a ni dawn a, dan thar hman turah hian hremna a na/sang hle dawn a. Dan hlui a awm lo, hman thar tur pawh a awm nual dawn. 

Transport department Director Er. R. Lalrammawia hnen atanga ZALEN thudawn danin, Attorney General, Supremce Court of India chuan ‘Motor Vehicle Ammendment Act 2019’ siamin, chu chu parliament-ah pawm a ni. Supreme Court dan siam chu state sawrkarin a tidanglam thiang lo a, sawrkar laipuiin ti tura a tih state-in a ti lo a nih chuan Article 356 of the Constitution of India (Presidents Rule’s-a dah) chu state sawrkar chungah lekkawh theih a ni. 

Transport director chuan kum 2019-a dan siam ni tawh mah se, Supreme Court thuchhuak a nih vangin hman ngei a ngai tih sawiin, hemi vang hian September 1, 2022 atanga hman turin an ‘notify’ (puang) tih a sawi.

September ni 1, 2022 atanga dan thar hman tur chu, dan zawm tan hlauh tur a awm lo tih Transport director chuan sawi bawkin, kumtlinglo a lirthei khalhtir te, license nung lo/nei loa lirthei khalhte, helmet khum loa lirthei khalhte leh dan hrang hrang zawm lote hremna erawh a nat/san dawn thu a sawi bawk.

Hremna dan thar tlangpui (in Rs.)

Dan bawhchhiatna                              Dan hlui    Dan thar
Hremna vantlang                                100               500
Thupek zawm lo                                  500               2,000
License nei lo                                      1,000             5,000
Valid license nei lo                               500               5,000
Lirthei tih len/danglam                        New              5,000
Phal aia chaka khalh                            400               1,000 LMV/ 2,000 MPV
Hlauhawm taka khalh                          1,000            Upto Rs. 5,000
Zu rui a khalh                                       1,000           10,000
Kawngpui a intlansiak                          500              5,000
License tidanglam                                New            10,000
Thu thei zat aia tam phur                     New            1,000 per extra pasenger 
Seat belt hreng lo                                100              1,000
Helmet khum lo                                   100              1,000 + disqualification of license                                                                                         of 3 months
Mi 2 aia tam inphurh                         100               1,000 + disqualification of license                                                                                        of 3 months
Ambulance etc. kian duh lo               New              10,000
Insuarance nei lo/ thi lirthei khalh     1,000             2,000
Kumtling lo lirthei khalhtir                 New              25,000 +kum 3 lungin tan theih