Aizawl; Serchhip bial bye election neih hun tur bithliah fel la ni lo mah se, party ten campaign an nei ngawrh chho mek a, hriat theih chinah Zoram People's Movement (ZPM) leh Indian National Congress (INC) ten an candidate tur an ti fel tawh.

ZPM party chuan an candidate atan Lalduhoma an ruat fel tawh a, Serchhip bial chhung hmun hrang hrangah campaign a nei chho mek ni a hriat a ni.

INC lam pawhin official in la puang lo mah se, an candidate a tan MPCC a an communication department chairman PC. Laltlansanga an ruat fel tawh ni a hriat a ni. PC. Laltlansanga chuan ding tur a rin zing-ah tlar hmasa lam a awm ni mah se, engmah puan chian a la awm loh thu ZALEN a hrilh a, bye election neih tur boruak a thlirin amah vang ni loin Congress tan chance a that ber a rin thu a sawi.

Hetihlai hian January 28, 2021 a Serchhip press club-a thuthar thehdarhtute a kawmna ah MNF vice president, Lalthlengliana chuan Serchhip bial-a bye-election neih tur chungchang ngaihtuah a thutkhawm an la neih loh thu sawiin, MNF party chu an hmanhmawh loh thu a sawi bawk.

Kum 2018 MLA inthlana Serchhip bialtu MLA a tana thlan tlin Lalduhoma chu Anti-defection law bawhchhia a puh a nih vangin ban niin inthlan that a ngai ta a ni.