Aizawl: Serlui B tuikhuaha power siamtu khawl 3 zinga 2 chu a chhia a, 1 chiah hman theihin a awm mek.

Thudawn danin Serlui tuikhuah hi a tira ruahman dan chuan 12 mw pe chhuak thei turin turbine khawl 3, mega watt 4 zel pe thei tur bun a ni a. 12 mw power pe thei tur chuan tuikhuah hi 86 metre elevation a tlin reng ngai a. Mahse, power siamtu khawl hi 3 bun a ni chungin a tir atangin khawl pakhat hian hna a thawk thei lo nghal a, khawl hmanlai 2 zinga 1 chu May 5 (Thawhlehni) khan a chhe ve leh bawk nen tun dinhmunah khawl 1 chauhin power hi a siam thei a, thal tui a tlem lai (60mt elevation) a lo ni bawk nen 4 mega watt siam thei tur khawl hman theih awm chhunah 1.95 mega watt chauh a siam chhuak thei a ni.

Hetih lai hian Serlui tuikhuah hi a pût a, thal laia tui pût siam that an tum chu ruahtui a tlak leh avangin tun thal chhung hi chuan siam that theih a ni dawn lo niin P&E dept. thawktute chuan an sawi a. Kumin thal December-January vela thawh theih an beisei nia thudawn a ni.