ZALEN March 12, 2025; Power & Electricity minister F Rodingliana'n Serlui B HEP thuamtha turin sum tam tak sen a ngai tih sawiin, hetihlai hian sum dinhmun erawhin a zir rih lo niin a sawi.

Vawiin assembly budget session zawhna leh chhanna hunah he thu hi sawiin, P&E minister chuan, Serlui B HEP thuam tha turin an sawrkar tirh atangin hma an la tih a sawi a, study team te pawh an intir tawh niin a sawi.

P&E minister in house a hrilh danin, Serlui B HEP a penstock line chu a chhe tawh a, chu chuan cement block te tichhe tawh bawkin, harsatna lian tak a awm mek.

Hei bakah hian power house leihnuai feet 49 hnuailam a awmah a bang atangin tui a put nasa a, hei hi nunna a tan pawh a hlauhawm hle. Hei hian kawlphetha siamchhuahna-ah harsatna a siam bawk.

P&E minister chuan Serlui B HEP chu a vai a siamtha turin ruahmanna te an siam chhin tih sawiin, hetihlai hian siamtha turin vaibelchhe tam tak sen a ngaih thu leh sum dinhmunin a zir bawk si loh avangin, tun dinhmunah chuan a theih ang anga runin, kawlphetha megawatt tam vak lo siam chhuah mek a nih thu a sawi.