Aizawl: Serlui 'B" tuikhuah a power house a tui lakna ah kau a awm a, siam tuma hmalak mek a niin siam theih a ni hrih lo.

Zalen palaiin Power & Electricity Department thawktu te hnen atanga thu a dawn danin mi thenkhat ten tuikhuah a put (leak) nia an sawi chu thu hriatsual palh a ni tih an sawi a. "Power house a tui lakna concrete bialah steel lining tih a ni a, hemi welding naah a tira fuh zat lo deuh a awm a, a kau deuh avangin siamthat tum mek a ni," an ti. Tui laknaa kau awm chu tui tlem hunah chauh siam theih a ni tih sawiin, "Kumin April thla tawp lam khan siam theih kan beisei a, mahse ruahtui a tlak leh tak si avangin kan siam thei ta lo a, nakum thal lam kan tinzawn a ngaih hmel ta a ni," an ti.

Serlui B a khawl 3 awm zinga 1 chauh tlan tir (run) mek a ni tih Power & Electricity Department thawktu te chuan an sawi bawk a. "Khawl 3 te hi project hawn tirh April 2010 atanga May 2011 thleng tlan tir an ni a, mahse a hnuah khawl chhia a awm avangin a vaia tlantir a ni ta lo a ni," an ti a. Tunah hian khawl 1 chauh tlan tir a niin duh anga tui a tam loh avangin mega watt 4 pechhuak theiah 1.71/72 mw chauh a pe chhuak thei nia thudawn a ni bawk.