ZALEN Oct. 31, 2024; Upa T. Vanlalzara (72) leh a nupui Zopari (75), Sesawng te chu ni khat thil thu-ah an boral a, naktuk-ah a rual a vui an ni dawn.

Sesawng atanga ZALEN thudawn danin, Upa T Vanlalzara hi tukin (31.10.24) dar 2:10 khan ZMC-ah a boral a, presbyterian kohhran niin, vawiin chawhnu dar 1 a biak in a vuina hman a nih mek laiin a nupui a boral ve leh a, hemi avang hian a vui inkhawm pawh hi hmang zo lo in, a nupui nen a naktuk a vui turin ruahman a ni leh ta zawk a ni.

Upa T Vanlalzara nupui Zopari (75) hi vawiin chawhnu dar 1:31 khan ZMC ah vek a boral ve leh a ni.

An nupa ruang hi zaninah an chenna in Sesawngah tlaivarpui an ni ang a, naktuk ah a rual a vui an ni ang.