Aizawl: Naktip Thawhlehni atanga ni thum chhung awh tur Mizoram Legislative Assembly favang thutkhawm a ngaihtuah turin bill 2 a lut tawh.

Zirtawpni thleng khan session a ngaihtuah tur hian sawrkar bill pahnih 'The Mizoram Land Revenue (Amendment) Bill 2022 leh The Mizoram Goods and Services Tax (Amendment) Bill 2022 a lut tawh a. Session a chhan tur hian house chhunga chhan chi zawhna (starred question) 188 leh ziaka chhan chi zawhna (unstarred question) 104 a lut tawh bawk a ni.

Speaker Lalrinliana Sailo hova Bussiness Advisory Committee thukhawm chuan session hun hman dan tur hi an duang fel tawh a. Session hi ni thum chhung (September ni 6-8,2022) neih a ni dawn a, tun session ah hian member boral sum tur an awm dawn lo nia thudawn a ni bawk.