Aizawl: Sinlung Hills Council inthlang tura campaign mek Minister of State Lalruatkima chuan nimin khan Sakawrdai-ah campaign kharna a hmanpui a. Inthlan lo awm turah lehkhathawn kengtu atan address hresa dakpu an pawimawh ber tih a sawi.

Lalruatkima chuan SHC inthlang tur chu tuihna kang chat tawh leh tuihna kang ve lote inbeihna a nih thu a sawi a. Council sawrkar chu State sawrkar hnuaia function tur a nih avangin Hmar tlangdung mipuite hmasawn nan sawrkar dawr pawp theitu tur address hresa candidate te vote turin mipuite a sawm a. SHC chu 6th scheduled hnuaia awm tur a nih loh thu leh State sawrkar hnuaia awm tur a nih thu a sawifiah bawk.