ZALEN Nov. 6, 2024; Sinlung Hills Council (SHC) member 12 awmna inthlan nimina neihah MNF party in seat an la tam ber a, hnehna an chang.

Sinlung Hills Council inthlannaah hian nimin khan tluang taka vote thlak a ni a, vote tlate hi bial Hqrs ah chhiar nghal a ni a, MNF leh HPC (R) tangdunte chuan bial pasarih - Zohmun, Sakawrdai South, Vanbawng, Saiphai, Ratu, North Ṭinghmun leh Sakawrdai North an la tawh a.

ZPM/HPC tangdun chuan bial pathum - Suangpuilawn, Phuaibuang leh Saipum an la a. Indian National Congress chuan bial pakhat - Khawlian bial an la tawh a ni.

New Vervek bialah vote chhiar that anih avangin result nghah mek a ni a, MNF leh HPC(R) lam chuan he bial hi an la niin an insawi a, mahse he thu buatsaih lai hi chuan official result ala awm lo a ni.

Sinlung Hill Council inthlanah hian vote za zela 71.69 a tla.