Information and Public Relations Department leh Mizoram Film Forum te buatsaihin Mizoram chhunga film siamtu, a duh apiang tel theihna tur Short Film Making Competition 2023 neih a ni dawn. He competition-ah hian lawmman pawh tha tak buatsaih a ni dawn a, November 15, 2023 thleng hun hawn a ni. 

Thupui 
Thupui atan hian - Insurgency Based leh Folktale te thlan a ni a, a rei zawng hi minute 25 atanga minute 30 inkar a ni tur a ni. Pakhatna chuan Rs. 2,00,000 a dawng ang a, pahnihna leh pathumna ten Rs. 1,50,000 leh Rs. 1,00,000 te an dawng ang. Hei bakah hian mi panga tan consolation prize Rs. 20,000 theuh sem chhuah a ni bawk ang. Mizo tawnga siam tur a ni a, English sub-title dah vek tur a ni. Video quality hi - Full HD, 2K leh 4K zinga a khawi emaw ber a ni tur a ni. 

Phal loh thil! 
Short gfilm-ah hian mipat hmeichhiatna lam hawi tarlan phal a ni dawn lo a, tharum thawhna leh mipui en atana him lo scene
ngialngan tak tak a tel tur a ni lo bawk. Film-a tawngte chu dub emaw recording tha tak a ni tur a ni a, music leh sound original chauh hman tur a ni.

Zu in lai emaw zial zu emaw a lan laiin sawrkar dan dinglai angin warning dah zel tur a n i a, competition-a tel ten an film script an thehlut tel tur a ni bawk. Mi pakhatin film pakhat bak siam phal a ni lo.

Short Film Making Competition 2023-a tel te chu Mizoram chhung leh pawnah a tul angin organiser ten Film Festival hrang hrangah an thawn thei ang.

Lawmman 
1st Prize - Rs. 2,00,000
2nd Prize - Rs. 1,50,000.00
3rd Prize - Rs. 1,00,000.00
5 Consolation Prize - Rs. 20,000.00