Siaha-ah In pakhat kangral

ZALEN August 14, 2025 : Vawiin chawhnu khan College Veng I, Siaha-a K. Chahu (L), Ex Editor, Rampar In chu bungraw engmah chuh hman lovin a kangral a, thi leh hliam an awm lo.

Siaha atanga ZALEN thudawnna chuan In kan chhan hi electric short vang niin a sawi a, a kan hun hi Dar 1:30 vel niin a sawi, In-a awmte hian an hriat har avang leh kangmei hi a nasat nghal avangin bungrua engmah an chuh hman lo a, thi leh hliam erawh an awm lo. 

He In hi tlema fal deuha awm a ni a, a In hi a hlui ve deuh tawh avangin a kang kai chak hle a, tui leh lei te pawhin thelh tum mah se, an thelh mit thei lo a ni.